Ndërkohë që në Turqi zjarret masive kanë marrë 8 jetë njerëzish, në mediat online ka nisur një fushatë për të kërkuar ndihmë. Nismës i janë bashkuar shumë nga figurat më të njohura në Turqi, duke përfshirë këtu dhe aktorët që mesazhi të shpërndahet sa më shumë. “Ndihmoni Turqinë, thirrje globale, kemi nevojë për avionë që fikin zjarret , na ndihmoni të ndalojmë flakët që po kërcënojnë zonat tona më të bukura”. Ky është mesazhi që sheh kudo të shpërndarë gjerësisht në mediat sociale, i shoqëruar me pamjen e flakëve që djegin pyjet.