Provinca e Kebekut në Kanada po përballet me zjarre të shumta. Të paktën 160 vatra aktive janë raportuar në të gjithë këtë zonë. Flakët kanë dalë nga kontrolli, ndërsa kanë shkrumbuar shumë hektarë me pyje. Situata është tejet shqetësuese për autoritetet pasi pavarësisht ndërhyrjes nga ajri e toka flakët të ndihmuara dhe nga temperaturat e larta vijojnë të përparojnë. Situatë e vështir paraqitet dhe në provinca të tjera të Kanadasë. shumë banorë janë evakuuar nga banesat ndërsa tymi ka pushtuar pothuajse gjithë territorin e Kanadasë por jo vetëm. Për shkak të situatës së vështirë, afro 1000 zjarrfikës nga Franca, Australia, Meksika, Zelanda e Re, Afrika e Jugut dhe Shtetet e Bashkuara i janë bashkuar forcave zjarrfikëse kanadeze dhe po punojnë për shuarjen e flakëve. Zjarret dyshohet se janë shkaktuar nga dora e njeriut, ndërsa moti i nxehtë favorizoi përhapjen e flakëve. Pamjet satelitore tregojnë ndotje alarmante të ajrit nga zjarret pasi tymi ka përfshirë dhe New Yorkun në SHBA.