Autoriteti Rrugor Shqiptar ka hapur garën për ndërtimin e urës së re të Bahcallekut dhe zgjerimin e rrugës deri tek harku i Bërdices, një investim rreth 11 milion euro. Lajmi është berë i ditur nga kryebashkiaku i Shkodres Benet Beci i cili thotë se  ne vijim të rikonceptimit të plotë të hyrjes së Shkodrës, Qeveria Shqiptare ka akorduar në buxhetin e rishikuar të këtij viti rreth 11 milionë Euro për dublimin e Urës së Bahçallëkut dhe zgjerimin e rrugës nga Ura e Bahçallëkut tek Harku i Bërdicës. Ky investim sipas Becit, do të japë një kontribut të rëndësishëm për zgjidhjen e trafikut ne hyrje e dalje të Shkodrës gjatë sezonit veror, lidhjen me të shpejtë me Tiranën, Velipojën, Shirokën, Muriqanin dhe Ulqinin. Nisja e vitit 2025 na gjen në punë për këtë projekt të rëndësishëm për qytetin dhe gjithë rajonin thotë kryebashkiaku Benet Beci, i cili falënderon për bashkëpunimin Ministrinë e Infrastukturës dhe Energjisë dhe Ministren Belinda Balluku për reagimin shumë të shpejtë për buxhetimin dhe fillimin e procedurave.   Paralelisht në Shkoder po punohet per  rivitalizimin e  hyrjes se qytetit, rrugen e Dukagjinit dhe asfaltimin e rrugëve në qytet e fshatra.  Ky investim pritej prej kohesh edhe nga qytetaret shkodranë pasi hyrje - dalja e qytetit ishte kthyer në një pengese të madhe sidomos gjatë muajve të verës me radhë automjetesh kilometrike dhe pritje me ore të tëra.