Prej orës shtatë të mëngjesit janë hapur në gjitrhë Greqinë kutitë e votimit për zgjedhjet e kandidatëve për deputetë në PE si pjesë e procesit zgjedhor në shtetet anëtare të BE që ka nisur ditët e mëparshme dhe përfundon sot. Në garën e Greqisë marrin pjesë 31 parti, ndërsa 21 mandatet nga gjithsej 720 që i takon vendit në Parlamentin Europian pretendohen nga 1168 kandidatë. I shoqëruar nga bashkëpunëtorët, kryeministri grek Kyriakos Mitsotakis pasi ka ushtruar të drejtën e votës ka deklaruar se duhet të votojmë për një Greqi dhe Europë të fuqishme. Kyriakos Mitsotakis kryeministër i Greqisë Zgjedhjet evropiane kanë rëndësinë e tyre të veçantë, në pesë vitet e ardhshme do të merren vendime shumë të rëndësishme në Evropë. Është tepër e rëndësishme të kemi një zë të fortë grek, një përfaqësim të fortë në Parlamentin Evropian, në mënyrë që si Greqi të mund të pretendojmë sa të mundemi nga Evropa.