Dy rivalët e mëdhenj politikë në Shqipëri i mbyllën fushatat e tyre, njëri me premtime e tjetri me akuza. Kryeministri Edia Rama iu drejtua të premten mbështësve të vet në Vlorë me zotimin ta kthejë vendin në një “kampion” të vërtetë në disa sektorë të rëndësishëm që përfshijnë turizmin dhe energjinë. Kreopozitari Lulzim Basha e mbajti në Tiranë mitingun përmbyllës, ku lëshoi akuza ndaj qeverisë për korrupsion dhe lidhje me krimin e organizuar, ndërsa më herët kishte theksuar edhe një herë premtimet e veta për ulje taksash, rritje rrogash, ndihmë më të madhe sociale e financiare. Këto zgjedhje janë në fokus të komunitetit ndërkombëtar, sidomos SHBA-së së angazhuar me forcë në reformën në drejtësi, e BE-së, ku Shqipëria kërkon të aderojë. Votimet e së dielës konsiderohen pikërisht një moment kyc në rrugën e vendit drejt Bashkimit Europian. Associated Press kujton sesi vitin e kaluar partitë politike aprovuan reforma zgjedhore pas dy ditë takimesh në rezidencën e ambasadores amerikane në Tiranë. Kodi i ri zgjedhor pasoi rekomandimet e OSBE-së, e cila i ka monitoruar përgjatë gjithe peridhës post-komuniste zgjedhjet që konsiderohen se janë pllakosur përherë nga parregullsi. Qëllimi i tyre ishte pikërisht garantimi i zgjedhjeve të lira e të ndershme, me në fokus identifikimin elektronik të votuesve, ndryshimin e structures së komisionit zgjedhor dhe projektin pilot për dixhitalizimin e plotë të procesit të votimit dhe numërimit të votave. Mbajtja e zgjedhjeve që të përputhen me standartet europiane është kthyer në një test nga BE-ja për negocjatat e plota të anëtarësimit, të cilave Brukseli ua dha vërtet dritën jeshile vitin e kaluar, por pa caktuar një datë për konferencën e parë ndërqeveritare. Ambasadori i BE-së në Shqipëri, Luigi Soreca i tha AP se me shumë gjasë për këtë do të vendoset në muajin qershor, dhe mënyra sesi do të zhvillohen zgjedhjet e 25 prillit, do të ketë një rëndësi kyce.