Një ditë pas sherrit të ndodhur në Bilisht që përfundoi me plagosjen e dy personave njëri prej të cilëve me thikë, policia ka zbardhur dinamikën e plotë të ngjarjes. 2 persona janë arrestuar ndërsa dy të tjerë janë proceduar penalisht. Sipas të dhënave Nga hetimet dyshohet se dje, rreth orës 11:00, Guri Mazelliu është konfliktuar në rrugë, për motive të dobëta, me shtetasit T. Ç. dhe M. B., dhe ka plagosur me thikë, në këmbë, shtetasin T. Ç., 38 vjeç ndërsa është larguar me automjet.