Presidenti i Serbisë, Aleksandër Vuçiç, i ka hedhur poshtë si “gënjeshtër” pretendimet se ai është i gatshëm ta nënshkruajë pavarësinë e Kosovës. “Nuk do ta nënshkruaj kurrë pavarësinë e Kosovës, ndërsa i përgëzoj të gjithë ata në skenën politike të Serbisë që thonë gënjeshtra të tilla”, tha Vuçiçi në një video-mesazh në profilin e vet në Instagram të enjten. Ai nguli këmbë se “gjithmonë do t'i përmbahet Kushtetutës” së Serbisë, në një reagim ndaj akuzave të disa partive opozitare. Partitë e krahut të djathtë në Serbi e kundërshtojnë Marrëveshjen e Ohrit e arritur mes Serbisë dhe Kosovës në fillim të këtij viti. Ata, gjithashtu, kanë kërkuar vazhdimisht ndërprerjen e negociatave për normalizimin e marrëdhënieve që Serbia dhe Kosova i po zhvillojnë nën ndërmjetësimin e Bashkimit Normalizimi i plotë i marrëdhënieve ndërmjet Serbisë dhe Kosovës është një parakusht kyç që të dy vendet duhet ta përmbushin për t'u bërë anëtarë të BE-së. Pas këtyre zhvillimeve Serbia do të shkojë në zgjedhje të reja të parakohshme që do të mbahen më 17 dhjetor. Me shpalljen e zgjedhjeve të reja parlamentare, analistët thonë se Serbia po fiton kohë për të vijuar zbatimin e marrëveshjes me Kosovën.