Po u mbushur ende dy vite nga tragjedia e Potamit ku humbi jetën 7-vjeçares Joniada Avdia, prokuroria e mbyllur hetimet duke kërkuar dënimin me 15 vite burg të ish-policit Arjan Tase që e përplasi për vdekje me skaf vogëlushen që luante në breg të detit. Arjan Tase akuzohet nga prokuroria për vrasje me dashje në formën e dashjes indirekte", njofton Prokuroria e Vlorës. Sipas organit të akuzës në Vlorë, është e provuar tashëm që ditën e ngjarjes, më 2 gusht të vitit 2022, Arjan Tase kishte drejtimin e skafit dhe ka lënë disa persona në breg të detit. Skafi lundronte në kundërshtim me rregulluat, brenda kordonit të sigurisë. Në momentin që është nisur nga bregu Tase ka shtuar shpejtësinë duke shkuar në drejtim të 7-vjeçares Jonada Avdia dhe babait të saj që ndodheshin në breg të detit në Potam. Ndërsa ish-polici Tase ka marrë kthesën me skaf, dy motorët e tij kapën 7 vjeçaren duke e prerë në të gjithë trupin. Vajza e vogël humbi jetën në vendngjarje, thuhet ndër të tjera në konkluzionet e prokurorisë së Vlorës. Pavarësisht mbrojtjes së ish-policit Tase për ta kualifikuar ngjarjen e rëndë si vrasje nga pakujdesia. Organi i akuzës ka bindjen e plotë se i pandehuri Arjan Tase, ka konsumuar elementët e veprës penale ‘Vrasja me dashje’. Në një dosje të vecantë për tragjedinë e rëndë po hetohen edhe 8 punonjës të policisë së Himarës për shpërdorim detyre.