Një vajzë në nigeri u vra egërisht nga disa nxënës të tjerë. Deborah Samuel e besimit kristian, u vra nga turma e zemëruar e nxënësve pas një postimi në rrjetet sociale që u konsiderua ofendim ndaj profetit. Turma e dalë jashtë kontrollit raportohet se kishte nxjerrë me forcë Deborah nga dhoma e sigurisë së shkollës ku po fshihej, njoftoi policia në nigeri. Gjithçka nisi kur një nxënës kishte thënë se Deborah sapo “kishte bërë basfemi”, dhe kjo ngjarja nisi të qarkullonte mes komunitetit të nxënësve. Deborah, e trembur ishte fshehur në dhomën e sigurisë së shkollës, por për fat të keq ajo nuk i shpëtoi dot turmës që e gjeti edhe aty. “Nxënësit pasi e gjetën e nxorrën atë forcërisht nga dhoma ku po e mbanin zyrtarët. Ata e vranë vajzën, i dogjën trupin dhe më pas i vunë zjarrin edhe ndërtesës”, tha zëdhënësi i policisë Sanusi Abubakar. Por pavarësisht vrasjes makabër qindra muslimanë dolën në rrugët e qytetit veriperëndimor nigerian të Sokoto, për të protestuar ndaj arrestimit të dy nxënësve qe akuzohen se vranë vajzën për blasfemi.