Jo vetëm identifikimi elektronik është risia e zgjedhjeve të këtij viti, por edhe që ato do të zhvillohen në kushtet e pandemisë . Ndaj instituti i shëndetit publik ka miratuar një protokoll me masat anticovid që duhet të ndiqen gjatë procesit zgjedhor dhe ditën e votimit si për votuesit, komisionerët dhe vëzhguesit, ku këta të fundit do të duhet të plotësojnë formular vetdeklarimi për gjëndjen shëndetësore dhe në rast të shfaqjes së simptomave duhet të qëndrojnë në shtëpi. 5199 qendrat e votimit sipas udhëzuesit rekomandohet të jenë në katin e parë të çdo ndërtese me sipërfaqe të bollshme e me ajrim. Ato duhet të jenë dezinfektuar një ditë para procesit të votimit si dhe përgjatë tij në intervale të caktuara. Të dashur votues, ndihmoni në parandalimin e përhapjes se covid19. Vendosni maskën mbrojtëse. Mos shtrëngoni duart. Ruani distancën 1.5 metra dhe dezinfektoni duart. Këto janë masat që do të vendosen në hyrje të cdo salle që do të votohet në 25 prill.