Dy persona janë plagosur, pasi makina me të cilën po udhëtonin u përplas me një makinë tjetër në lagjen “28 Nëntori” në Vlorë. Një makinë tip “Benz” me drejtues A. A., 29 vjeç, është përplasur me një automjet tip “Ford” me drejtues B. S., 28 vjeç, automjeti i këtij të fundit, si pasojë e përplasjes ka dëmtuar fasadën e jashtme të një lokali. Si pasojë e aksidentit kanë ngelur të dëmtuar lehtë drejtuesi i automjetit tip “Benz” dhe pasagjerja që ndodhej në të, të cilët pas marrjes së mjekimit dolën nga spitali.