Në Shqipëri ka arritur e ngarkuara e re me punë NancyVanHorn. Ambasada amerikane shkruan se ajo është një diplomate karierre, e cila iu bashkua Shërbimit të Jashtëm në 2007 dhe së fundi përfundoi detyrën e saj si Zëdhënëse e Byrosë së Çështjeve Evropiane dhe Euroaziatike, duke koordinuar mesazhet për më shumë se 40 ambasada në Evropë. Ajo zëvendësoi në këtë detyrë të ngarkuarin me punë David Ëisner, i cili ka qenë zëvendësues që pas ikjes së ambasadores Juri Kim. Znj.VanHorn ka shërbyer edhe në vende me probleme të thella sociale dhe politike si SriLanka dhe Bangladeshi. Këtë të hënë diplomatja kredencialet e saj dhe është pritur në një takim nga presidenti Bajram Begaj. Kreu i shtetit uroi diplomaten amerikane për nisjen e detyrës, duke shprehur besimin se gjatë mandatit të saj do të përforcohet më tej partneriteti strategjik me Shtetet e Bashkuara të Amerikës. Presidenti Begaj rikonfirmoi angazhimin dhe kontributin në rritje të Shqipërisë në këtë partneritet strategjik, duke shprehur mirënjohjen ndaj Shteteve të Bashkuara për mbështetjen bujare dhe vendimtare ndaj vendit tonë. Në takim u vlerësua roli i Shqipërisë për stabilitetin dhe zhvillimin rajonal, përkushtimi në misionet ndërkombëtare për paqen dhe sigurinë, si edhe qëndrimi kundër përpjekjeve që cenojnë paqen përmes zgjerimit të konflikteve. “E ngarkuara me Punë Nancy VanHorn u takua sot me Presidentin Bajram Begaj. Znj. VanHorn dhe Presidenti Begaj diskutuan për miqësinë e qëndrueshme midis kombeve tona dhe përkushtimin tonë të përbashkët për vlerat e ndërsjella drejt një të ardhmeje më të sigurt, demokratike dhe më të begatë. Për sa i përket situatës në rajon, Presidenti Begaj u shpreh se Shqipëria vlerëson angazhimin e administratës amerikane, duke theksuar se roli i Shteteve të Bashkuara të Amerikës në Ballkanin Perëndimor mbetet vendimtar.