Një 36 vjeçar është arrestuar nga forcat “Shqiponja” në Lezhë pasi gjatë një kontrolli të ushtruar në automjetin e tij tip “BMË” iu gjet një armë zjarri pistoletë. Në pranga ka rënë Xhon Sari i cili në pistoletën që kishte me vete, i mbante fishekët në fole gati për qitje. Gjatë kontrolleve të bëra në automjetin tjetër tip “Golf” po ashtu në pronësi të tij, u gjetën edhe 18 fishekë. Policia sekuestroi armën dhe fishekët në cilësinë e provës materiale ndërsa ndaj 36 vjeçarit rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.