Turi i Verë dhe Portokalle zbriti në qytetin liqemor të Pogradecit për të sjellë një natë speciale ashtu siç ka bërë në çdo qytet tjetër. Mes mijëra qytetarësh e turistësh që u mblodhën në shesh nuk munguan të qeshurat, emocionet dhe kënaqësia që vetëm artistët më të dashur në Shqipëri dinë ti përcjellin. Interpretim pas interpretimi qytetarët e Pogradecit nga më të vegjlit deri tek më të rriturit por edhe turistët që në këto ditë po shijojnë qytetin liqenor u harmonizuan me artistët duke sjellë njëzëri batutat më të njohura dhe lëvizjet e tyre aq të dashura. Përballë pamjes unike dhe freskisë së liqenit shoqëruar me një pjesëmarrje masive artistët ndanë emocionet e tyre Verë dhe Portokalle spektakli më i ndjekur i humorit në Shqipëri do të vijojë turin në qytetin e Korçës për ti falur publikut netë speciale vere plot të qeshura, entuziazëm dhe argëtim.