Po të mos ishte për variantin Indian të koronavirusit, apo delta sic njihet ndryshe, qeveria britanike tani me të gjithë gjasat, do t`i kishte hequr krejtësisht masat izoluese. Por ky variant më infektues i sëmundjes së fundi po tregon se mund t1`i bëjë vërte vaksinat më pak efikase, duke krijuar kështu një problem jo të vogël. Infektimet po rriten sërish trajektorja e tyre tregon se po u vazhdua me këto ritme, në fund të korrikut rastet do të mbërrijnë nivelin e janarit, thotë BBC. Me këtë në mendje, ekzekutivi britanik ka vendosur të tregohet i kujdesshëm, dhe ta shtyjë me katër javë zbutjen e kufizimeve. Delta, që mund të jetë 60 për qind më i transmetueshëm se lloji origjinal i virusit, po përhapet në Britani pavarësisht se ajo është një nga vendet me nivelin më të lartë të vaksinimeve në botë. Në Gjermani sakaq ministri i Shëndetësisë tha se detyrimi për vendosjen e maskës për aktivitetet në natyrë, mund të hiqet nëse infeksionet me koronavirus vazhdojnë të bien. Infeksionet në të gjithë Evropën janë në rënie, si rezultat i vaksinimit, çfarë ka bërë që të gjitha vendet në kontinent të rihapen gradualisht. Në SHBA ka rënë po ashtu norma e infeksionit në një mesatare shtatëditore prej rreth 10,000 rastesh në ditë, krahasuar me kulmin e janarit prej rreth 250,000 rastesh në ditë.