qindra qytetarë ukrainas po streohen në teatrin e qytetit perëndimor Lviv, atu ku kanë vendosur krevate portativë ndërsa ushqimin e kanë siguruar nga organizatat e bamirësisë. Edhe në Lviv dëgjohen sirenat e sulmeve ajrore teksa ushtria e Rusisë avancon brenda ukrainës. Përveç të zhvendosurve brenda vendit ka dhe të larguar vazhdimisht përmes kufirit me Poloninë. Rreth 300,000 ukrainas janë larguar nga vendi i tyre që prej nisjes së luftimeve të martën, sipas Komisioni Evropian. Gjysma e tyre kanë ardhur në Poloni njoftojnë autoritetet e Varshavës. Vendet në perëndim të Ukrainës i kanë mirëpritur refugjatët e luftës megjithse prej vitesh refuzonin pranimin e refugjatëve nga luftërat në Siri, Irak e Afganistan. Zëdhënesja e Shtëpisë së Bardhë, tha se presidenti Biden “është sigurisht i përgatitur” të presë refugjatë nga Ukraina. Por ajo shtoi se shumica e tyre do të preferonin të qëndronin në Evropë për t’u rikthyer në shtëpi me përfundmin e luftimeve.