Me fillimin e korrikut, hyn në fuqi dhe pasaporta jeshile e BE-së: mjafton ta keni me vete, dhe nuk ka më asnjë kufizim për ata që duan të udhëtojnë. Dokumenti përbëhet nga një kod QR, një kod i vecante që përmban tekst dhe që mund të mvbahet në telefonin celular. Pasaporta ka tre alternativa të cilat duhen dëshmuar me qëllimin që të mund të udhëtohet lirisht: cikli i plotë i imunizimit me një nga katër vaksinat e miratuara për përdorim në BE, rezultati negativ i testit të Covid ose fakti që mund të jeni shëruar nga sëmundja dhe keni krijuar antitrupa. "Ekziston mundësia e marrjes së një çertifikate të vaksinimit të BE për njerëzit nga vendet e treta nëse ata mund të dëshmojnë se janë furnizuar me një vaksinë përkatëse, e cila përmendet në rregulloret për çertifikatën, për shtetin anëtar në të cilin ata udhëtojnë," thotë Christian Ëigand nga Komisioni i BE. 27 shtetet anëtare të BE-së kanë mundësinë e pranimit të vaksinave nga lista e OBSH-së dhe lëshimin e një çertifikate vaksinimi. Mundet ta bëjnë këtë, por nuk janë të detyruar. Kjo rregullore e BE-së është vetëm një rekomandim, jo ligj.