Tym i dendur u ngrit të enjten nga fusha ajrore Gostomel në veri të kryeqytetit Kiev e cila është sulmuar nga forcat ruse. President Volodymyr Zelensky tha se ka urdhëruar trupat ushtarake të rimarrin fushën ajrore. Banorja vendase Ludmila Klimova, tha për rrjetin AFP se donte të largohej për shkak të luftimeve, por nuk dinte ku të shkonte. "Po ngrihet tym nga qyteza jonë Busha, ata kanë bombarduar pranë shtëpive tona.” “Ne duam te largohemi prej ketej por nuk dimë nga të shkojmë, prindërit dhe motra ime janë në shtëpi, edhe unë do të kthehem atje. Zoti e di, cfarë do bëhet” tha 58 vjeccarja. Klimova tha se jeton një kilometër larg fushës ajrore. “Ato që na tregojnë në televizion janë gënjeshtra, rusët kanë bombarduar aeroportin, ndërsa forcat tona nuk bënë asgjë, u arratisën, nuk qëndroi asnjë të na mbronte”. “Rusët erdhën me automatikë te një e njohura ime për ta paralajmëruar, na thanë të largohemi por ne nuk dimë ku të shkojmë”, shtoi gruaja.