Një eksperiment i drejtuar nga Universiteti i Zhejiang tregon se si 10 dronë arijnë të lëvizin në një pyll të dendur bambuje në Kinë, duke kaluar pengesat në mënyrë autonome. Dronët u shmangen degëve të pemëve mes terrenit të vështirë. Eksperimenti sjell në mendje skena nga filmat fantastikë si Lufta e Yjeve, siç citonin autorët në raportin e tyre të publikuar në revistën shkencore ‘Science Robotics’. "Po bëjmë hapa drejt kësaj të ardhmeje," shkruan drejtuesi i grupit Xin Zhou. Mjete të tilla mund të kenë aplikime në misionet e emergjencës. Por teknologjia është e detyruar të përmirësohet në mënyrë që robotët fluturues t’i përshtaten mjedisit pa u përplasur me njëri-tjetrin apo objekte të tjera. Ekspertja zvicerjane Enrica Soria, e cila nuk ishte përfshirë në studim, the për rrjetin AFP se modeli ishte impresionues. "Kjo është hera e parë që një tufë dronësh fluturojnë në një mjedis të pastrukturuar të botës së egër”, tha ajo.