Presidenti amerikan, Donald Trump ka deklaruar se “plani i tij i paqes nuk ishte oferta e fundit”, pas një reagimi të ashpër nga ukrainasit të cilët e përshkruan atë si diçka që të kujton marrëveshjen e Mynihut të vitit 1938 të Nevill Çamberlein me Adolf Hitlerin. Presidenti amerikan u tha gazetarëve gjatë një fjalimi të shkurtër në Shtëpinë e Bardhë: “Ne do të donim të arrinim paqen. Duhet të kishte ndodhur shumë kohë më parë… po përpiqemi t’i japim fund, në një mënyrë ose në një tjetër duhet t’i japim fund.” Nga ana tjetër, sekretari amerikan i Shtetit, Marko Rubio, ka insistuar se plani me 28 pika për t’i dhënë fund luftës në Ukrainë, i cilësuar gjerësisht si i favorshëm për Rusinë është “hartuar nga SHBA-ja”. Kjo deklaratë vjen pasi një grup senatorësh e përshkroi si një “listë dëshirash ruse” nuk pasqyronte qëndrimin zyrtar të Washingtonit. Më vonë, Rubio u distancua nga ato komente dhe tha se dokumenti është “me autorësi amerikane”, por “bazuar në kontributin” e të dyja palëve, Rusisë dhe Ukrainës.