Negociatat intensive vazhduan të shtunën midis BE-së dhe SHBA-së përpara një takimi të rëndësishëm në Skoci midis Donald Trump dhe presidentes së Komisionit Evropian, Ursula von der Layen, për të shmangur një luftë tregtare të kushtueshme. Trump kaloi natën në resortin e tij të golfit Turnberry, në pronësi të familjes, në një vizitë private, por gjeti kohë për të kritikuar udhëheqësit evropianë për turbinat me erë dhe imigracionin, duke pretenduar se nuk do të ketë një Evropë nëse ata "nuk marrin masa". Të shtunën në mëngjes, ai braktisi një takim të planifikuar me shtypin, i cili udhëtoi me të në Air Force One, për një raund golfi në fushën e tij me muzikë që dwgjohej nga mjeti që drejtonte. E cilësuar si një vizitë katër-ditore familjare në Skoci, Trump do takojw udhëheqësit evropianë dhe kryeministrin britanik, Keir Starmer, duke rritur shpresat për marrëveshje të reja dhe të rafinuara tregtare me BE-në dhe Mbretërinë e Bashkuar. Ndërsa Trump luante golf në Skoci, protestuesit dolwn në rrugë dhe e kritikuan vizitën e tij. Qindra demonstrues u mblodhën në rrugën me kalldrëm dhe pemë përpara Konsullatës Amerikane rreth 160 kilometra larg në Edinburg, kryeqytetin e Skocisë. Ata thanë se Trump nuk ishte i mirëpritur. Protesta kishte edhe në qytete të tjera, ndërsa aktivistët mjedisorë, kundërshtarët e luftës së Izraelit me Hamasin në Gaza dhe grupet pro-Ukrainë formuan një "Koalicion kundwr Trump".