Ballkani i Hapur është iniciativa e Shqipërisë, Maqedonisë së Veriut dhe Serbisë për të përshpejtuar krijimin e tregut rajonal të përbashkët. Ky proces i nisur nga BE, 7 vite më parë, tashmë po merret në dorë nga vetë liderët e Ballkanit, të cilët e shohin si perspektivën e duhur për të ardhmen e ekonomive të tyre. Në Forumin e Shkupit liderët nënshkruan tre marrëveshje, të cilat pritet të zbatohen nga mesi i tetorit. Eksperti Eduart Gjokutaj shprehet se fryma e këtyre marrëveshjeve na sjell më pranë tregut të përbashkët.