Disa grupe ndërkombëtare të shpëtimit në turqi kanë ndërprerë punën pasi situatë e sigurisë është përkeqësuar në disa rajone. Ministria e Mbrojtjes e Austrisë tha se ushtria turke kishte ndërhyrë për të ofruar mbrojtjen e saj ndaj grupeve të shpëtimit. Raportohet gjithashtu se ka pasur plaçkitje në disa zona. Ka një agresion në rritje midis fraksioneve në Turqi, tha nënkoloneli i Forcave të Armatosura Austriake në një deklaratë. Ndërsa menaxheri i operacioneve të Isar, tha se ai priste që siguria të përkeqësohej për shkak të pakësimit të furnizimit me ushqim dhe ujë. Ekipet gjermane të shpëtimit thanë se do të rifillonin punën sapo autoritetet turke ta konsiderojnë situatën të sigurt, njoftoi agjencia e lajmeve Reuters. “Ne kemi shpallur gjendjen e jashtëzakonshme”, tha Erdogan gjatë një vizite në zonën e fatkeqësisë sot. “Do të thotë që tani e tutje personat që janë të përfshirë në grabitje apo rrëmbime duhet ta dinë se dora e fortë e shtetit është mbi kurrizin e tyre. Media shtetërore raportoi të shtunën se 48 persona ishin arrestuar për grabitje, sipas AFP të cilëve u sekuestruan armë, para, bizhuteri dhe karta bankare. Ndërkohë numri i të vdekurve nga tërmeti në Turqi dhe Siri ka tejkaluar 25,000. Pamjet: AFP