Në fshatin Nikoliq të Hasit ka pllakosur heshtja. Banorë dhe familjarë qëndrojnë në oborrin e një shtëpie të djegur, flakët e të cilës I morën jetën një të moshuare dhe djalit të saj që u vetflijua për të shpëtuar nënën. Ngjarja u shënua pak pas mesnatës ku në rrethana të paqarta shtëpia e familjes Lushi u përfshi nga flakët. Rexhë Lushi 56 vjecc mundi që të dalë në kohë nga banesa bashkë me bashkëshorten, ndërsa nëna e tij, Time Lushi, në dhomën e të cilës dyshohet se ishte vatra e zjarrit nuk mundi të dalë në kohë. Pasi njoftoi policinë dhe zjarrfiksen I biri u fut mes flakëve për të mos dalë më. Kur forcat zjarrfikse mbërritën nuk kishte mundësi për të bërë asgjë as për të shpëtuar jetët e të bllokuarve në flakë dhe as për të shpëtuar banesën e cila u shkrumbua plotësisht. Një grup ekspertësh po punon për të evidentuar shkakun e kësaj ngjarje të rëndë por dyshimet paraprake janë për një zjarr nga pakujdesia. Dyshohet se banorët e kësaj shtëpie të kenë lënë ndezur një ngrohëse nga e cila mund të jetë përhapur zjarri.