Një anëtar i një celule famëkeqe të grupit militant Shteti Islamik, i njohur si “Beatles”, El Shafee Elsheikh, është shpallur fajtor për të gjitha akuzat e lidhura me vdekjen e katër pengjeve amerikane në Siri, mes tyre dhe gazetarë. Një juri federale në Virxhinia të Shteteve të Bashkuara e gjeti fajtor El Shafee el-Sheikh, 33 vjeç, për rrëmbimin, torturimin dhe prerjen e kokës të pengjeve. Ky është rasti më i lart gjyqësor kundër një luftëtari të IS-it që është zhvilluar në SHBA e që zgjati 3 javë. Banda “Beatles”, mori këtë emër për shkak të theksit britanik të 4 anëtarëve të saj. Nga veprimet e këtij grupi janë vrarë katër pengje amerikane, gazetarët James Foley dhe Steven Sotloff dhe ndihmësit Kayla Mueller dhe Peter Kassing. Disa prej viktimave u ishte prerë koka dhe vrasjet e tyre janë filmuar dhe më pas janë publikuar në rrjetet sociale. Pamjet: AFP