Ambasadori i SHBA-së në OSBE Michael Carpenter ka akuzuar Bjellorusinë se ka goditur me thikë pas shpine fqinjin e saj. Ai i bëri komentet duke mohuar që Shtetet e Bashkuara të kishin konfirmuar se nuk kishte trupa bjelloruse në Ukrainë, duke e përshkruar atë si një "bashkëagresor" në luftën e Rusisë ndaj fqinjit të saj. E përsëris se është një gënjeshtër që Shtetet e Bashkuara kanë konfirmuar se nuk ka trupa bjelloruse në Ukrainë, tha ai.Përfaqësuesis të Bjellorusisë i them se ju keni goditur me thikë pas shpine fqinjin tuaj. Mos ejani këtu me fjalë për të provuar dhe justifikuar këtë fakt.Ju jeni një bashkë-agresor, territori juaj është përdorur si një platformë lëshimi për një sulm të egër, barbar ndaj një shteti fqinj dhe ju mbani përgjegjësi për këtë. Në një fjalim mbi bombardimet e Rusisë ndaj Ukrainës gjatë 12 ditëve të fundit, Carpenter tha: Sot është dita e dymbëdhjetë e luftës së paprovokuar të Presidentit Putin kundër Ukrainës. Brutaliteti i kësaj lufte është sa revoltues dhe zemërthyes. Fëmijë janë vrarë, gjyshërit janë dëbuar nga shtëpitë e tyre, familjet janë detyruar të largohen nga vendi i tyre përballë goditjeve të pamëshirshme në infrastrukturën civile. Pamjet: AFP