Zëdhënës i agjencisë së Kombeve të Bashkuara për fëmijë, James Elder e përshkruan më shumë se dëshpëruese gjendjen e adoleshentëve dhe të rinjve në Gazën e kapluar nga lufta. Ata shpresojnë të vriten, me qëllim që siç tha Elder, t’i japin fund makthit që po jetojnë. Duke folur për agjencinë franceze të lajmeve, AFP thotë se në Gaza nuk ka më familje që nuk e ka humbur në luftë një anëtar të sajin. Duke folur për rezolutën e miratuar një ditë më parë në Këshillin e sigurimit të Organizatës së Kombeve të Bashkuara, Elder tha se ajo duhet të jetë vendimtare për këta njerëz dhe jo thjesht simbolike. OKB-ja ka paralajmëruar më herët se banorët në Gazë po përballen me uri, duke i bërë thirrje Izraelit që të hapë më shumë pikëkalime kufitare në mënyrë që të hyjë më shumë ndihmë dhe të mos pengojë lëvizjen e ndihmës përmes enklavës palestineze. Pamjet: AFP