Për të parën herë pas 7 muajsh, presidenti amerikan Joe Biden dhe ai kinez, Xi Jingping kanë zhvilluar një bisedë telefonike mes tyre, pikërisht në kohën kur tensionet mes dy vendeve janë përshkallëzuar, sidomos për shkak të Tajvanit. Në telefonatën 90 minutëshe, Biden paralajmëroi kundër keqkuptimeve që sic tha ai, mund të cojnë drejt një konfrontimi mes Washingtonit dhe Pekinit. Xi nga ana e tij kërkoi që marrëdhënia mes dy vendeve, e pllakosur nga “vështirësi serioze”, të marrë një drejtim të ri.