Ushtria e Afrikës së Jugut dislokoi sot tanket në rrugët e Johannesburg teksa kaosi i grabitjeve vijonte për të gjashtën ditë. Të paktën 70 njerëz janë vrarë dhe më shumë se 1000 janë arrestuar që prej nisjes së protestave popullore. Vullnetarë të armatosur po përpiqen të mbushin boshllëkun e lënë nga policia pas përshkallëzimit të kaosit ku dhjetra njerëz janë shtypur për vdekje gjate bastisjeve ne qendrat tregtare, dhe një spital është djegur plotësisht. Trazirat e rënda nisën pas burgosjes së ish-presidentit Jacob Zuma javën që shkoi për mos-paraqitje në një hetim korrupsioni. Por ato tashmë janë përshkallëzuar në anarki dhe zemërim të përgjithshëm për varfërinë dhe korrupsionin, që ka pllakosur vendin që prej rënies së regjimit te Aparteidit 27 vjet me pare. Dhjetë njerëz u shtypën për vdekje gjatë bastisjes së një qendre tregtare në Soueto, në kryeqytetin Johannesburg. Ndërsa në pamje të tjera të shpërndara në rrjetet sociale tregonin duke u djegur spitalin Lenmed në Durban.