Tajvani po përgatitet të paraqesë një buxhet shtesë të mbrojtjes në vlerë prej 40 miliardë dollarësh, cka dëshmon shqetësimin e ishullit të vetëqeverisur ndaj rritjes së ndjeshme të kërcënimit nga Kina, që vazhdon ta shohë si pjesë të territorit të saj. Pekini ka shtuar trysninë ushtarake dhe politike gjatë pesë vjetëve të fundit për të forcuar pretendimet e tij territoriale, që Taipei i kundërshton. Tajvani përballet me thirrje nga Uashingtoni për të shpenzuar më shumë për mbrojtjen e tij, dhe presidenti Lai Ching-te e ka pohuar se shpreson që shpenzimet e mbrojtjes të rriten deri në 5 për qind të GDP-së deri më 2030.