Miliona persona në Hong Kong dhe qytetet e tjera të Kinës jugore u përfshinë nga tajfuni nga tajfuni i fuqishëm “Saola”, e cila mund të konsiderohet stuhia më e fortë që ka goditur rajonin në dekada. Autoritetet vendase morën masa paraprake, për të shmangur sa më shumë pasojat katastrofike të tajfunit, me erëra të fuqishme dhe shira masivë. Qindra fluturime u anuluan në të gjithë rajonin dhe pemët u shkulën në rrugët e goditura nga stuhia në Hong Kong. Zyra kombëtare e motit të Kinës parashikoi se “Saola" ngritën nivelin e paralajmërimit në më të lartin të mbajtur ndonjëherë për vendet e prekura. Autoritetet u kanë bërë thirrje banorëve të kenë kujdes gjatë kohës që lëvizin, pasi fuqia e stuhisë është e lartë. Ekipet e kërkim-shpëtimit po qëndrojnë në gatishmëri, për t’i ardhur në ndihmë personave të prekur Ndër të tjera është paralajmëruar se do të ketë përmbytje, pasi niveli i ujit po rritet në një kohë rekord. Deri më tani nuk është raportuar për viktima, ndërsa trajtim mjekësor kanë kërkuar shtatë persona, gjendja e të cilëve nuk dihet. Shërbimi hekurudhor në disa zona është pezulluar, deri në një njoftim të dytë. Ende nuk ka një raport përfundimtar për dëmet e shkatërruara, por deri më tani ka pasur disa raportime nga banorët e prekur.