Ka shkuar në shtatë numri i viktimave të sulmit me thikë në një qendër tregtare në Sidnei, ndërsa të plagosurit janë 8, mes tyre një nënë dhe dhe djali i saj 9 muajsh, ngjarje e cila ka tronditur thellë mbarë opinionin publik në Australi Mes viktimave është edhe autori i sulmit. Një police iu vu atij nga pas, dhe hapi zjarr duke e vrarë në vend, teksa shumë njerëz ende të shokuar, nuk po kuptonin cfarë kishte ndodhur. “Isha duke blerë në një dyqan kur dëgjova zhurma. U ktheva dhe pashë sesi një grua dhe fëmija i saj po sulmoheshin. Ishte e tmerrshme, të gjithë ngrinë në vend, nuk dinin cfarë të bënin”, u shpreh një 33 vjecar i cituar nga BBC. Nëna e lënduar arriti të shkëputej e të hynte në një dyqan të qendrës tregtare, stafi I të cilit reagoi me shpejtësi e mbylli dyert, duke e bllokuar agresorin jashtë. “Disa prej klientëve të dyqanit po përdornin rroba në përpjekje për t`i ndaluar asaj hemoragjinë”, rrëfeu një dëshmitar tjetër në vendngjarje. Fëmija i saj kishte marrë vetëm një plagë të vogël, por nëna dukej shumë keq. Kishte shumë gjak kudo, ajo ishte përfshirë nga paniku. Shpresoj që të shpëtojë”, shtoi i njëjti person. Kryeministri Australian Anthony Albanese u shpreh se “mendimet dhe zemrat e të gjithavë tani janë me të lënduarit dhe familjarët e viktimave”, dhe falenderoi ata që u përgjigjën të parët. Policia i bëri thirrje njerëzve të shmangnin shmangin zonën dhe evakuoi me qindra vetë nga qendra tregtare. Pamjet: AFP