Një punonjës I lumtur do të sillte më shumë produktivitet për kompaninë ku ai punon. Ky është konkluzioni I një studimi të kryer nga universiteti I Oksfordit, që specifikon se një punonjës I lumtur është 13% më produktivë. Hulumtimi nxjerr në pah se kjo rritje e produktivitetit nuk është e lidhur me të punuarit me më shumë orë; por dhe me performancën përgjatë 8-orarësisht të punës. Studiuesit ndoqën stafin e një kompani shumëkombëshe britanike të telekomunikacionit për gjashtë muaj dhe gjurmuan konvertimet e tyre nga thirrjet për shitje, pjesëmarrjen dhe kënaqësinë e klientit. Punëtorët gjithashtu vetë-raportuan nivelin e tyre të lumturisë çdo javë. Të dhënat treguan se punonjësit që pohuan se ndiheshin të lumtur, punonin më shpejt, bënin më shumë konvertime nga thirrjet në shitje për orë të punës dhe i përmbaheshin më nga afër orarit të rrjedhës së punës. Në studim u përfshinë edhe kushtet atmosferike, ku sa herë kishte mot të keq rezultatet e stafit ishin të dobëta. Ndërkohë I nxehti shkaktonte rritje të ankthit dhe stresit. Por pavarësisht këtyre faktorëve , studimi thotë se bizneset mund të përmirësojnë performancën e punonjësve të tyre, aftësitë e punës dhe mirëqenien e përgjithshme duke rritur tek ta ndjenjën e lumturisë.