Arktiku mund të jetë pa akull deti afërsisht një dekadë më herët se sa ishte parashikuar, pra kjo gjë do të ndodhë deri në viti 2030. Sipas një studimi të ri të botuar në revistën Nature Communications, shekncëtarët kanë paralajmëruar një tjetër shenjë të qartë se kriza klimatike po ndodh më shpejt nga sa pritej. Nëse merren masa të menjhërshme kundër ndotjes, Arktiku mund të ketë prezencë të akullit deri në vitin 2050, duke e shtyrë situatën e vështorë me 20 vite të tjera. Studiuesit analizuan ndryshimet nga viti 1979 e deri në 2019, duke krahasuar të dhëna të ndryshme satelitore dhe modele klimatike për të vlerësuar se si po ndryshonte akulli i oqeanit Arktik. Ata zbuluan se rënia e akullit të detit ishte kryesisht rezultat i ndotjes së shkaktuar nga njeriu dhe ngrohjes së planetit, ndërsa modelet e mëparshme kishin nënvlerësuar tendencat e shkrirjes. Akulli i Arktikut grumbullohet gjatë dimrit dhe më pas shkrihet në verë, duke arritur zakonisht nivelet e tij më të ulëta në shtator, përpara se cikli të fillojë përsëri. Grumbullimi i akullit të deteve e oqeaneve në stinët më të ftohta do të jetë shumë më i ngadalshëm. Një studim i vitit 2022 tregoi se gjatë disa dekadave të fundit, Arktiku është ngrohur katër herë më shpejt se pjesa tjetër e botës. Rënia e akullit të deteve e oqeaneve mund të ketë gjithashtu një efekt në motin global që shtrihet përtej Arktikut. Pamjet: AFP