Përleshje të reja kanë shpërthyer në zonën kufitare mes Pakistanit dhe Afganistanit dhe të dyja palët e akuzojnë njëra-tjetrën për shkelje të armëpushimit. Të dyja palët kanë konfirmuar se kanë gjuajtur me armë në drejtim të njëra-tjetrës, mirëpo e kanë fajësuar palën tjetër për nisjen e luftimeve që kanë zgjatur disa orë. Mosharraf Zaidi, zëdhënës i kryeministrit të Pakistanit, ka akuzuar talibanët për “të shtëna të paprovokuara, ndërsa një zëdhënës i talibanëve ka thënë se Pakistani “ka iniciuar sërish sulmet dhe që Afganistani është detyruar më pas të përgjigjet. Banorët eqytetit afgan Spin Boldak i cili gjendet në kufirin mes dy vendeve, janë larguar përgjatë natës, ndërsa është raportuar për të plagosur në anën e Pakistanit. Përleshjet kanë shpërthyer më pak se dy muaj pasi të dyja palët janë pajtuar për armëpushimin e ndërmjetësuar nga Katari dhe Turqia. Negociatat i kanë dhënë fund përleshjes më të rëndë mes Pakistanit dhe talibanëve prej kur grupi është kthyer në pushtet më 2021, ndonëse tensionet vazhdojnë të jenë të larta. Qeveria në Islamabad ka akuzuar talibanët e Afganistanit se kanë strehuar grupet e armatosura që kanë kryer sulme në Pakistanit. Javën e kaluar të dyja palët u takuan në Arabinë Saudite në rundin e katërt të negociatave për të arritur një marrëveshje për paqe afatgjatë, por pa rezultat.