Top Channel/ Spitale publike, menaxhim privat kundrejt pagesës! Zgjedh mjekun në spitalet shtetërore

Nëse do të bësh një skaner, ekzaminim por pa pritur radhe apo një vizitë mjekësore pa ndjekur sistemin e referencës direkt tek mjeku specialist, madje edhe duke e zgjedhur, këtë do të mund ta bësh edhe në spitalet publike kundrejt një pagese. Një pjesë e saj shkon në xhepin e mjekut i cili do ta ofrojë këtë shërbim jashtë orarit zyrtar të punës dhe pjesa tjeter e pagesës shkon për spitalin. Këtë parashikon ligji i ri i spitaleve që ato të mund të gjenerojnë fondin vetë dhe tenderat prokurimet nuk do ti bëjë me Ministrinë e Shëndetësis, por vetë spitalet. Spitalet publike do të garojnë ndërmjet njëri-tjetrit pasi që të fitojnë kartën e autonomisë duhet të akreditohen më parë si për sa i përket numrit të mjekëve, aparaturave të teknologjisë së lartë dhe kushtet që ofrojnë.