Një aksion i Prokurorisë së Posaçme është zhvilluar mbrëmjen e kësaj të shtune në disa qytete të vendit. Me urdhër të Gjykatës së Posaçme, janë ushtruar kontrolle në Tiranë, Kukës, Fier, Vlorë dhe Gjirokastër. Nga aksioni i SPAK janë arrestuar Shkëlzen Ruska, me detyrë shef krimesh në Himarë. Në pranga ka rënë edhe shefi i Krimeve në Komisariatin e Lushnjës, Ervis Alisinanaj. Gjithashtu, gjatë aksionit janë arrestuar edhe pesë shtetas nga Saranda. Ndërkohë, Erdit Hazizaj, ish-shef i Operacionales, dhe ish-kandidat për kryetar të Bashkisë Roskovec, është shpallur në kërkim nga aksioni i SPAK, në bashkëpunim me Agjencia e Mbikëqyrjes Policore. Hazizaj është larguar nga policia në vitin 2022. Në kërkim është shpallur gjithashtu edhe shefi i Komisariatit të Policisë Kufitare në Sarandë, Elvis Dervishi. Emrat e tyre kanë dalë në përgjimet e SKY ECC për trafikun e drogës, gjë që ka shtyrë SPAK dhe GJKKO të kërkojnë arrestimin e tyre.