Ka vijuar në Gjykatë seanca ndaj anëtarëve të dyshuar të grupit kriminal të Laert Haxhiut. Para trupës gjykuese kanë dëshmuar disa persona me kërkesë të Prokurorisë, lidhur me një sërë ngjarjesh të rënda kriminale, mes tyre edhe vrasja e Çajup Selimit, e ndodhur më 1 qershor 2021. Në seancë dëshmoi babai i Erisiano dhe Bujar Abedinit, të dyshuar si pjesëmarrës në këtë ngjarje. Ai deklaroi se kishte dijeni për konfliktet mes familjes së tij dhe viktimës, duke sqaruar se Selimi kishte pasur përplasje të vazhdueshme me nusen e djalit të tij. Sipas dëshmisë, Selimi e telefononte dhe i dërgonte mesazhe në mënyrë të përsëritur, pavarësisht kërkesave për ta ndërprerë komunikimin. “Cajup Selimi shiste cemento afer dyqanit tone. Me Cajupin kemi pasur probleme se i bente telefon nuses time ne cdo ore te dites e te nates.Kemi pasur probleme se edhe djalin tim janw rrahur.E pata marr vesh rreth 2 vite para vrasjes.Ai e pranonte se e telefononte gruan. Cajupi i dergonte mesazhe edhe e perndiqte. Gruaja i thoshte mos i bjer me telefonit dhe mos shkruaj me.Banesa ime ndodhet me kat te 2 se katin e pare e kisha biznesin.Vellai im Bujari nuk ka qene ne dijeni. Nw ksmail kemi nje hotel pata investur un bashke me familjen.”, deklaroi ia ndwrsa theksoi se natën e ngjarjes kishte marrë vesh për vrasjen rreth mesnatës dhe më pas ishte paraqitur në polici, ku edhe ishte njohur me rrethanat. Ai theksoi se djali i tij ndodhej në Tiranë në atë periudhë dhe ishte kthyer në Tepelenë disa ditë më vonë.