Imazhe të raketës Falcon 9 të grupit hapësinor SpaceX disa orë para nisjes së sotme të misionit të saj të parë me civilë në hapësirë. Kompania private e Elon Musk do të lëshojë ekuipazhin e përbërë nga 4 qytetarë privatë me raketën e sprovuar Falcon 9. Mjeti lëshohet sonte (15 shtator) nga qendra hapësinore Kennedy në Florida. Fluturimi në orbitë është i pari me një ekuipazh prej qytetarësh privatë, pasi deri tani çdo fluturim ishte drejtuar nga një astronaut i agjencisë qeveritare. Në korrik kompanitë privatë hapësinore të miliarderëve Richard Branson e Jeff Bezos kryen fluturime në orbitë me mjetet e tyre hapësinore komerciale. Misionet e tyre arritën vetëm pragun e hapësirës dhe pasagjerët qëndruan vetëm disa minuta në mikro-gravitet. SpaceX do të lëshojë ekuipazhin e saj 575 kilometra mbi tokë në fluturimin tre ditor. Ajo do të rrotullohet disa herë rreth tokës para se të rikthehet me parashutë në brigjet e Florida.