Edi Rama rezulton një nga liderët e huaj më të dashur dhe te besuar për italianët: Një sondazh i publikuar nga l`Espresso, qëllimi i të cilit është të kuptohet se cilët nga udhëheqësit ndërkombëtarë janë më popullorët në mesin e italianëve, e rreshton kryeministrin shqiptar në mesin e liderëve që gëzojnë besimin më të madh të votuesve në fqinjin tonë përtej Adriatikut. Me 29% të aprovimit të italianëve, shefi i ekzekutivit shqiptar renditet në anketim me të njëjtin nivel pëlqimi me presidentin ukrainas Volodymir Zelensky, protagonist i pavullnetshëm i luftës së agresionit rus në Ukrainë, duke lënë pas figura te njohura si Donald Trumpin, Kyriakos Mitsotakisin e Rexhep Tajip Erdoganin. Sondazhi, i realizuar në fund të janarit 2026 mbi një kampion prej 1,000 të anketuarish, deshmon se Rama ka fituar vlerësim për qasjen e tij të qartë dhe përkushtimin në politikën e jashtme. Ajo që e bën prezencën e tij të veçantë është aftësia për të krijuar besim mes qytetarëve të huaj, duke shfaqur vizion dhe qëndrueshmëri në sfidat ndërkombëtare, cka e konfirmorn edhe ne kete anketim si një nga figurat më të respektuara të politikës ne Ballkan dhe Europe. I pari në renditje është kryeministri i Spanjës, Pedro Sanchez, pozicion ky të cilin e siguroi politikave progresiste në çështjet e punës dhe emigracionit, refuzimi për të rritur shpenzimet ushtarake, pavarësisht kërcënimeve të Trumpit, e së fundi, pas paralajmërimeve të tjera nga Uashingtoni lidhur me bazat ushtarake në Andaluzia që u pasuan nga një mohim i prerë përt t`u rreshtuar në krah të operacionit ushtarak SHBA-Izrael në Iran. Të fundit në klasifikim janë presidenti kinez Xi Jinping me 12%, ai rus Vladimir Putin me 10% dhe Erdogani me vetëm 8%, figura këto që rezultojnë jashtëzakonisht polarizuese për opinionin publik italian