Ambasada e Shteteve të Bashkuara në Tiranë, ka njoftuar se Alban Dervishi, një shqiptaro-amerikan, do të marrë komandën e luftanijes amerikane USS Pearl Harbor në qershor të këtij viti. “Një ‘Tirons’ që merr komandën e një luftanijeje amerikane! Njihuni me Komandant Alban Dervishin, shqiptaro-amerikani i cili do të marrë komandën e USS Pearl Harbor në qershor të 2025-ës”, thuhet ndër të tjera. I lindur në Tiranë dhe me origjinë nga një familje ushtarake, Albani dhe prindërit e tij emigruan në Shtetet e Bashkuara 25 vjet më parë për të ndjekur ëndrrën amerikane. Përshëndetje, jam Alban Dervishi, lindur e rritur në Tiranë. “Çun Petronini” në shkollë të mesme. Isha vetëm 16 vjeç, kisha mbaruar vitin e dytë në gjimnaz dhe vajtëm në Neë York. Ndihem shumë krenar që këtë qershor të marr komandën e USS Pearl Harbor. Kam një jetë të tërë që e prisja këtë moment dhe është një nder sepse gjatë gjithë karrierës sonë ne dedikojmë shumë kohë për të arritur këtë majë dhe më jepet një shans fantastik dhe me zor pres të kryej detyrën. Nancy VanHorn, e ngarkuara me punë në Ambasadën e SHBA në Tiranë ka mirëpritur në ambasadën e SHBA në Tiranë, komandantin Alban Dervishi për ta uruar atë për marrjen e komandës së USSPearl Harbour në muajin qershor. Në postimin e saj në rrjetet sociale, ambasada e SHBA në Tiranë shkruan se temë e takimit ishte diskutimi i rëndësisë së partneriteteve tona të mbrojtjes për ta bërë Amerikën më të fortë.