Me anë të një vendimi të miratuar në mbledhjen e Këshillit të Ministrave, Shqipëria ka rikthyer vizat për zyrtarët e Bjellorusisë, vendit kryesor aleat me presidentin rus, Vladimir Putin. “Vendoset pezullimin e pjesshëm të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Bjellorusisë, për heqjen reciproke të kërkesave për vizë”, thuhet në vendimin e publikuar në faqen zyrtare të Këshillit të Ministrave, ndërsa sqarohet se pezullim i pjesshëm i marrëveshjes shtrihet vetëm për pasaportat diplomatike dhe të shërbimit. Bjellorusia është vendi që ka mbështetur që prej fillimit sulmin e Rusisë në Ukrainë, duke u vendosur në dispozicion të Moskës zyrtare sa i takon vendosjes së armëve bërthamore. Prej kohësh, nuk ka pasur bashkëpunim aktiv dypalësh mes dy vendeve në fushën politike dhe niveli i marrëdhënieve dypalëshe ka qenë i ulët. Pamejt: AFP