Presidenti serb, Aleksandar Vucic dhe kreu i Republikës Srpska, Milorad Dodik po kërkojnë afrimin me Donald Trumpin. Vucic prej muajsh është përpjekur me ngulm të kontaktojë shefin e Shtëpisë së Bardhë. Ai nuk ia doli ta realizonte këtë takim në muajin maj në Florida, dhe u kthye papritur në Serbi në rrethana ende misterioze me pretekstin e "dhimbjeve në gjoks". Megjithatë, sic thotë DW, fushata diplomatike për takimin e shumëdëshiruar, vazhdon. Krerët e qeverisë serbe kanë folur vazhdimisht për një lloj dialogu strategjik me Amerikën dhe kthimin e marrëdhënieve midis dy vendeve në "nivelin e tyre të mëparshëm". Kështu, në fillim të gushtit, u zhvillua një takim midis Ministrit të Jashtëm serb Marko Gjuric dhe Sekretarit të Shtetit të SHBA-së Marco Rubio, të cilin pala amerikane praktikisht nuk e komentoi, por megjithatë Gjuric e vlerësoi takimin si "historik". Dëshirave të Presidentit serb iu bashkua edhe Dodik, i cili gjithashtu kërkon të takohet me Trumpin. Madje, anëtarja serbe e Presidencës së Bosnjës dhe Hercegovinës, Zheljka Cvijanovic, nisi një propozim për t'i dhënë Trumpit Çmimin Nobel për Paqen. Bazuar në disa veprime të mëparshme, është e mundur të supozohet se Vuçic dhe Dodik, vazhdon shkrimi, do të përpiqeshin të paraqiteshin në Amerikë si "europianë konservatorë të MAGA-s" të cilët, ashtu si Trumpi, po ngacmohen nga forcat globaliste të krahut të majtë. Analisti Boshko Jakshic it ha DW se Vucic është i etur për të takuar Trumpin sepse e sheh si aleat ideologjik dhe kjo është arsyeja pse Vuçiq po distancohet nga Europa, por nuk llogarit ndërkohë se republikani është pragmatik e i orientuar drejt biznesit dhe nuk është i interesuar për afërsinë ideologjike, dhe në këtë fushë biznesi, Serbia praktikisht nuk ka asgjë për të ofruar.