Shkencëtarët kanë zbuluar një lloj të ri kataklizme astronomike, cka i jep më në fund përgjigje një misteri 13 miliardë vjecar. I njohur si “hipernova magnetike rrotulluese”, ky fenomen shkaktohet nga shkatërrimi i një ylli që rrotullohet me shpejtësi, sic përshkruhet në revistën Nature. Besohet se pikërisht ai është origjina e elementeve të pikasura në një tjetër yll teper të lashtë e primitive në Rrugën e Qumështit, ku përfshihen zinku, uraniumi e me shume gjasë, edhe ari. Shpërthimi në fjalë ka 10 herë fuqinë e një supernove, apo shpërthimit të një ylli të madh. Studiuesit thone se ylli i vjetër të cilin e kanë nën vëzhgim, ka nivele të raportit hekur/hidrogjen rreth 3000 herë më të ulëta sesa dielli – që është diçka shumë e rrallë. “Këtë ne e quajmë një yll të varfër në metale”, shprehen ata. Studimi i ri tregon se ky mund të jetë një nga yjet e para të universit, të cilët besohet se ishin të mbushur vetëm me hidrogjen dhe helium. Ai ka shpërthyer pak pas formimit te tij duke prodhuar yje neutron ose vrima të zeza, me elementë më të rëndë për yjet e gjeneratave të ardhshme.