Një nga makinat shoqëruese të kryeministrit Italian, Mario Draghi u përfshi në një aksident rrugor, i cili fatmirësisht nuk shkaktoi as viktima, e as të lënduar. Makina u përplas me një mjet tjetër, një Lancia Y pasi kishte goditur më parë dhe një BMË e cila kishte frenuar befas për të lejuar një kalimtar të kalonte rrugën. Aksidenti zinxhir u mbyll pa dëme të mëdha. Shefi i ekzekutivit Italian zbriti nga makina e tij dhe kërkoi personalisht ndjesë për ngjarjen . Ai foli me shoferët e dy makinave, BMË-së dhe Lancia-s, dhe u shfaq mjaft i shqetësuar për gjendjen shendëtësore të tyre, dhe të gjithë personave të tjerë të përfshirë. Nuk vonoi dhe në zonë mbërriti policia, ndërsa skena u filmua nga disa kalimtarë të rastit e u bë shumë shpejt virale në internet, ku brenda pak minutash komentuan mijëra vetë.