24 shtete të botës i kanë kërkuar Izraelit t'i japë fund luftës së tij në Gaza duke pretenduar se konflikti i përgjakshëm ka arritur në "thellësi të reja".Deklarata e përbashkët tha se ishte "tmerruese" që më shumë se 800 palestinezë në Gazën e shkatërruar nga konflikti janë vrarë duke kërkuar ushqim.Një deklaratë e përbashkët e paprecedentë që dënon luftën u nënshkrua nga ministrat e jashtëm të Australisë, Austrisë, Belgjikës, Kanadasë, Danimarkës, Francës, Italisë, Japonisë, Holandës, Zelandës së Re, Spanjës, Britanisë etj. Në deklaratë thuhej: “Ne bashkohemi me një mesazh të thjeshtë dhe urgjent: lufta në Gaza duhet të përfundojë tani. Vuajtjet e civilëve në Gaza kanë arritur në thellësi të reja.Ne dënojmë dërgimin e ndihmave me pikatore dhe vrasjen çnjerëzore të civilëve, përfshirë fëmijët, që kërkojnë të plotësojnë nevojat e tyre më themelore për ujë dhe ushqim.Pengjet e mbajtura nga Hamasivazhdojnë të vuajnë tmerrësisht. Ne dënojmë ndalimin e tyre dhe bëjmë thirrje për lirimin e menjëhershëm dhe pa kushte.Një armëpushim i negociuar ofron shpresën më të mirë për t'i sjellë ata në shtëpi dhe për t'i dhënë fund agonisë së familjeve të tyre”.