Një armatë gjigande amerikano-britanike ka pushtuar detin në kuadër tëstërvitjes Talisman Sabre. Aeroplanmbajtëse dhe avionë luftarakë po marrin pjesë në stërvitjet me zjarr të vërtetë në Australi, ku përfshihen 35 mijë trupa ushtarake nga 19 vende të ndryshme. Australiapriti kështu stërvitjen më të madhe në historinë e e saj, duke lëshuar raketa HIMARS, nga arsenali i saj, në ujërat pranë Kuinslendit. Ndërkohë, dy aeroplanmbajtëset amerikane e britanike, USS George Uashington dhe HMS Princi i Uellsit, ishin pjesë e lojërave masive të luftës. Britania e madhe, që angazhoi mbi 3 mijë trupa, përdori edhe luftanije të tjera në stërvitje. Flota shumëkombëshe u shoqërua edhe nga anije luftarake nga kanadaja, norvegjia dhe australia. Flota e madhe u shoqërua me operacione ajrore dhe manovra të përbashkëta tokësore që u zhvilluan në të gjithë Territorin Verior të Australisë. Talisman Sabre ka qenë një stërvitje e përbashkët e madhe, që zhvillohet cdo dy vjet, që kur u njoftua për herë të parë në vitin 2005, midis SHBA-së dhe Australisë. Këtë vit u bënë pjesë edhe dhjetëra vende të tjera, si Kanadaja, Fixhi, Franca, Gjermania, India, Japonia, Holanda dhe Koreja e Jugut. Stërvitjet u shtrinë nga Darëini në Brisbane, ndërsa aleatët u imponuan në të gjithë Indo-Paqësorin. Këto ujëra shpesh monitorohen nga afër nga anijet kineze të mbikëqyrjes. Pekini ka ndjekur me vigjilencë çdo stërvitje detare pranë bregdetit australian ndërkohë që është përpjekur rregullisht edhe të intimidojë perëndimin me stërvitjet e veta.