Një rrjet i gjerë prostitucioni është goditur në Tiranë ku janë lëshuar 11 masa sigurie. Nga këto masa 8 janë ekzekutuar dhe 3 persona vijojnë ende në kërkim. Mes pesonave të shpallur në kërkim është edhe koka e këtij grupi, e cila drejtonte aktivitetin nga Kolumbia, e identifikuar si Gabriela Martinez, 47 vjeçe. Së bashku me disa tutorë nga Shqipëria, në këtë rrjet shfrytezoheshin 44 vajza nga Amerika Latine, të cilat janë identifikuar dhe po ndiqen penalisht. Rrjeti i prostitucionit funksiononte në mënyrë të tillë. 47 vjeçarja gjente vajza nga Kolumbia dhe përmes lidhjeve të saj në Shëipëri, këto vajza priteshin në Tiranë dhe u gjendeshin vende ku do kryenin veprimtarinë e paligjshme. Kolumbiania bashkëpunonte ngushtë me Esmerald Sulollarin që siguronte kushtet në Shëipëri për prostitucionin si edhe me një efektive policie që merrej me akomodimin e vajzave. Këto vajza akomodoheshin kryesisht nëpër banesa me qira ditore dhe nga klientët kërkonin vlera montare nga 200-250 euro, shuma të cilat dërgoheshin edhe në Kolumbi. Nën masën e arrestit me burg janë Esmerald Sulollari, 39-vjeç I akuzuar për trafikim të personave të rritur në bashkëpunim dhe shfrytëzim prostitucioni dhe shtetaset e huaja, Yuly Gomez, 33-vjeçe, Liliana Valencia, 23-vjeçe, Nicol Benitez, 27-vjeçe, Stefania Marin, 29-vjeçe dhe Nicole Bertel, 27-vjeçe, të akuzuara për shfrytëzim prostitucioni ndërsa disa prej tyre akuzihen edhe për mbajtjen e lokaleve për prostitucion.