Nga efekti serë tek një Jetstream më i dobët, shumë teori qarkulluan për dukuritë ekstreme klimatike në rritje në Gjermani, përfshirë përmbytjet masive të ditëve të fundit. Ekspëertët mendojnë sakaq se edhe hëna shkaktoi probleme. Janë vënë re parregullsi në trajektoren e saj. Kjo ndodh një herë në 18 vjet e kur të përsëiret herën tjetër në vitet 2030, niveli i detit do të jetë i ngritur si pasojë e ngrohjes globale dhe kjo është një arësye për t´u shqetësuar. Por cfarë do të ndodhte nëse sateliti i vetëm natyror i planetit tonë i afrohet shumë Tokës? Neil Comins, fizikant në Universitetin e Maine, kujton se efekti më i njohur i saj është tërheqja gravitacionale mbi oqeanet, që rezulton cdo ditë në dy batica të mëdha e dy zbatica.