Grupi ukrainas që fitoi këtë vit garën në Eurovision për këngën më të mirë, Orkestra Kalush, vendosi ta shesë trofenë e saj. Mikrofoni i kristaltë është shitur në një ankand në Facebook, për 900,000 dollarë amerikanë. Këto para do të përdoren për të blerë dronë për ushtrinë ukrainase. Reuters citon prezantuesi ukrainas, Serhiy Prytula, të pohonte se paratë e mbledhura nga shitja e trofeut do të përdoren për blerje të tre dronëve ukrainas PD-2. Trofeja u shit në ditën kur grupi mori pjesë në një koncert bamirësie në Berlin, me qëllim të mbledhjes së parave për kujdes shëndetësor dhe furnizime tjera. Duke folur gjatë koncertit, anëtari i grupit, Oleh Psiuk ka bërë thirrje që njerëzit të mos mësohen me luftën, e cila ka lënë 4,031 njerëz të vdekur dhe mbi 4,730 të plagosur, sipas Kombeve të Bashkuara.